Saturday, 22 June 2024

ໂຮງຮຽນ ການເມືອງ ແລະ ການປົກຄອງ ນະຄອນຫລວງວຽງຈັນ

ໃນຕອນເຊົ້າ ຂອງວັນ ພະຫັດ ທີ 6 ມີຖຸນາ 2024 ເວລາ 8 ໂມງ 30 ນາທີ ຢູ່ທີ່ຫໍພິພິທະພັນໄກສອນ ພົມວິຫານ ໄດ້ຈັດພິທີວາງກະຕ່າດອກໄມ້ຢູ່ຕໍ່ໜ້າຮູບຫຼໍ່ຂອງປະທານ ໄກສອນ ພົມວິຫານ ເຊິ່ງນໍາພາໂດຍ: ທ່ານ ສອນສະຫວັນ ມະນີວົງ ຮອງຫົວໜ້າ ໂຮງຮຽນ ການເມືອງ ແລະ ການປົກຄອງ ນະຄອນຫລວງວຽງຈັນ ໄດ້ນໍາພາ ນັກສຶກສາສາທິດສະດີຂັ້ນຕົ້ນລະບົບ 3 ເດືອນ ຮຸ່ນທີ 5 ຈຳນວນ 62 ສະຫາຍ ຍິງ 14 ສະຫາຍ ຂອງ ຄະນະ ໂຮງຮຽນການເມືອງ ແລະ ການປົກຄອງ ນະຄອນຫລວງວຽງຈັນ ເນື່ອງໃນໂອກາດທີ່ໄດ້ມາທັດສະນະສຶກສາຫາຄວາມຮູ້ຢູ່ທີ່ຫໍພິພິທະພັນໄກສອນ ພົມວິຫານ ພ້ອມດຽວກັນນີ້ກໍ່ເພື່ອສະແດງຄວາມເຄົາລົບຮັກ, ກະຕັນຍູຮູ້ບຸນຄຸນຕໍ່ປະທານ ໄກສອນ ພົມວິຫານ ຜູ້ນຳທີ່ດີເດັ່ນ ແລະ ເຄົາລົບຮັກຂອງພັກ- ລັດ ແລະ ປວງຊົນລາວທັງຊາດ, ປະທານ ໄກສອນ ພົມວິຫານ ສົມແລ້ວທີ່ເປັນວິລະບູລຸດຂອງຊາດ ເພິ່ນຍັງເປັນແວ່ນແຍງອັນໃສແຈ້ງໃຫ້ແກ່ ສະມາຊິກພັກ, ພະນັກງານຕະຫຼອດຮອດພໍ່ແມ່ປະຊາຊົນລາວບັນດາເຜົ່າ, ຊີວິດ ແລະ ພາລະກິດປະຕິວັດຂອງປະທານ ໄກສອນ ພົມວິຫານ ຢືນຢົງຢູ່ໃນດວງດວງຂອງປວງຊົນລາວຕະຫຼອດກາລະນານ.