ໃນຕອນເຊົ້າ ພຸດ ທີ 18 ກັນຍາ 2024 ເວລາ8ໂມງ30ນາທີ ໜ່ວຍແມ່ຍິງ ກົມພິພິທະພັນ ໄກສອນ ພົມວິຫານ ແລະ ອະນຸສອນສະຖານຜູ້ນຳປະຕິວັດ ໄດ້ເປີດ ກອງປະຊຸມ ໃຫຍ່ຄັ້ງທີ I ຂອງຕົນຂື້ນ. ໃຫ້ກຽດເຂົ້າຮ່ວມ ແລະ ເປັນປະທານ ໂດຍສະຫາຍ ໄຊຍະລາດ ພົງຍາລັກ ກໍາມະການຄະນະພັກ ຫ້ອງວ່າການສູນກາງພັກ, ເລຂາໜ່ວຍພັກ, ຫົວໜ້າ ກົມພິພິທະພັນໄກສອນ ພົມວິຫານ ແລະ ອະນຸສອນສະຖານຜູ້ນຳ ປະຕິວັດ, ສະຫາຍ ນາງ ໃບຄູນ ສົມບັດດວງ ປະທານສະຫະພັນແມ່ຍິງ ຫ້ອງວ່າການສູນກາງພັກ, ສະຫາຍ ນາງ ພອນລັດສະໝີ ພິມມະສອນ ຫົວໜ້າໜ່ວຍແມ່ຍິງ ກົມພິພິທະພັນ ໄກສອນ ພົມວິຫານ ແລະ ອະນຸສອນສະຖານປະທານ ໄກສອນ ພົມວິຫານ ພ້ອມດ້ວຍແຂກຖືກເຊີນ ແລະ ສະມາຊິກແມ່ຍິງກພອ ທັງໝົດເຂົ້າຮ່ວມຢ່າງພ້ອມພຽງ.
ກອງປະຊຸມສະຫາຍ ນາງ ພອນລັດສະໝີ ພິມມະສອນ ຫົວໜ້າໜ່ວຍແມ່ຍິງ ໃດ້ເປີດກອງປະຊຸມ ແລະ ຜ່ານບົດສະຫຼຸບຕີລາຄາຜົນສໍາເລັດໃນການຈັດຕັ້ງປະຕິບັດວຽກງານຜ່ານມາ ແລະ ຮັບຮອງເອົາບົດລາຍງານການເມືອງທັງສອງພາກ ເຊິ່ງໃດ້ສະຫຼຸບຕີລາຄາຜົນງານອັນພົ້ນເດັ່ນ ແລະ ຂໍ້ຄົງຄ້າງທີ່ຈະຕ້ອງສືບຕໍ່ແກ້ໄຂໃນຕໍ່ໜ້າ. ໜ່ວຍແມ່ຍິງກົມ ພິພິທະພັນໄກສອນ ພົມວິຫານ ແລະ ອະນຸສອນສະຖານຜູ້ນໍາປະຕິວັດ ປະກອບມີຄະນະໜ່ວຍຈຳນວນ 5 ສະຫາຍ ປະກອບມີ 3 ຈຸຂຶ້ນກັບ. ປັດຈຸບັນມີຈໍານວນສະມາຊິກທັງໝົດແມ່ນ 31 ສະຫາຍ
ຜູ້ແທນກອງປະຊຸມ ຍັງໄດ້ໃຊ້ສິດປະຊາທິປະໄຕຂອງຕົນບ່ອນບັດຄັດເລືອກເອົາໃດ້ປ່ອນບັດເລືອກຕັ້ງເອົາຄະນະໜ່ວຍແມ່ຍິງຊຸດໃໝ່ເຊິ່ງມີຜູ້ສະໝັກ 7 ສະຫາຍ, ກອງປະຊຸມຄັ້ງປະຖົມມະເລີກໃດ້ເລືອກເອົາ 5 ສະຫາຍ ດັ່ງລຸ່ມນີ້:
1. ສະຫາຍ ນາງ ອໍ່າມະລາ ໄຊຍະວົງສອນ ເປັນຫົວຫນ້າໜ່ວຍ
2. ສະຫາຍ ນາງ ຕາວັນ ວັນທອງ ເປັນຮອງ ຫົວໜ້າໝ່ວຍ
3. ສະຫາຍ ນາງ ຕາ ຄຳປະສົງ ເປັນຄະນະ
4. ສະຫາຍ ນາງ ຄອງວັນ ຈັນທະວົງ ເປັນຄະນະ
5. ສະຫາຍ ນາງ ທິບພາວັນ ວົງຄໍາຈັນ ເປັນຄະນະ
ກອງປະຊຸມ ຍັງໄດ້ເປັນກຽດຮັບຟັງຄຳໂອ້ລົມຂອງ ສະຫາຍ ໄຊຍະລາດ ພົງຍາລັກ ເຊິ່ງສະຫາຍໄດ້ຮຽກຮ້ອງໃຫ້ຄະນະໜ່ວຍແມ່ຍິງຊຸດໃໝ່ ເພີ່ມທະວີຄວາມເອົາໃຈໃສ່ ປະຕິບັດແຜນການຂອງແມ່ຍິງລາວ, ສຶກສາອົບຮົມການເມືອງແນວຄິດ, ສືບຕໍ່ປະຕິບັດຂໍ້ແຂ່ງຂັນ 3 ດີ ຕິດພັນກັບຂະບວນການຮັກຊາດພັດທະນາ
ເພືື່ອເຮັດໃຫ້ການດຳເນີນ ກອງປະຊຸມ ມີເນື້ອໃນຄວາມໝາຍເລິກເຊິ່ງໃນຕອນທ້າຍ ສະຫາຍ ນາງ ໃບຄູນ ສົມບັດດວງ ປະທານສະຫະພັນແມ່ຍິງ ຫ້ອງວ່າການສູນກາງພັກ ກໍ່ມີຄຳເຫັນຕໍ່ສະມາຊິກແມ່ຍິງ ກົມ ກພອ , ເຊື່ອມຊືມຄຸນລັກສະນະທີ່ເປັນມູນເຊື້ອອັນດີງາມຂອງແມ່ຍິງ,ໃຫ້ຍົກສູງຄວາມສາມະຄີພາຍໃນ, ຍົກລະດັບຄວາມຮູ້ຄວາມສາມາດ , ຍົກລະດັບວິຊາສະເພາະຂອງຕົນໃຫ້ດີຂື້ນ.