Tuesday, 16 July 2024

ກອງປະຊຸມປຶກສາຫາລືກ່ຽວກັບການກະກຽມງານສະເຫຼີມສະຫຼອງຫ້ອງວ່າການສູນກາງພັກ

 

ຕອນເຊົ້າ ວັນຈັນ ທີ 17/6/2024 ເວລາ 08: 30 ຢູ່ທີ່ຫ້ອງປະຊຸມ ກົມຂໍ້ມູນຂ່າວສານ ແລະ ສໍາເນົາເອກະສານຂອງພັກ, ຫ້ອງວ່າການສູນກາງພັກ ໃດ້ຈັດກອງປະຊຸມປຶກສາຫາລືກ່ຽວກັບການກະກຽມງານສະເຫຼີມສະຫຼອງຫ້ອງວ່າການສູນກາງພັກຄົບຮອບ 70 ປີ, ໂດຍເປັນປະທານຮ່ວມ ລະຫວ່າງ ທ່ານ ຄໍາພອນ ສອນທະວົງ ຫົວໜ້າກົມຂໍ້ມູນຂ່າວສານ ແລະ ສໍາເນົາເອກະສານຂອງພັກ ແລະ ທ່ານ ໄຊຍະລາດ ພົງຍາລັກ ຫົວໜ້າກົມ ພິພິທະພັນໄກສອນ ພົມວິຫານ ແລະ ອະນຸສອນສະຖານຜູ້ນໍາປະຕິວັດ, ມີຄະນະກົມ, ຄະນະພະແນກພາຍໃນສອງກົມເຂົ້າຮ່ວມ. ກອງປະຊຸມໃດ້ປຶກສາຫາລື 4 ເນື້ອໃນຕົ້ນຕໍດັ່ງນີ້:
1. ການກະກຽມງານວາງສະແດງມູນເຊື້ອຫ້ອງວ່າການສູນກາງພັກ
2. ກະກຽມ, ປັບປຸງ, ເຮັດປື້ມມູນເຊື້ອຫ້ອງວ່າການສູນກາງພັກ
3. ກະກຽມເຮັດຫຼຽນກາທີ່ລະນຶກ 70 ຫ້ອງວ່າການສູນກາງພັກ
4. ການກະກຽມເຄື່ອງອີເລັກໂຕຣນິກເພື່ອຮັບໃຊ້ວຽກງານສະເຫຼີມສະຫຼອງ 70 ຫ້ອງວ່າການສູນກາງພັກ
ພາຍໃນກອງປະຊຸມຫຼາຍພະແນກການໃດ້ມີຄໍາເຫັນແລກປ່ຽນຢ່າງຄຶກຄື້ນ ແລະ ຍົກເຫັນໜ້າທີ່ຄວາມຮັບຜິດຊອບຂອງແຕ່ລະພາກສ່ວນ